Settembre

Raccolta del pomodoro - Macchina semovente che raccoglie dalle piante i pomodori, selezionandoli con appositi sensori per maturazione, senza danneggiarli e passandoli man mano con braccio meccanico, provvisto di nastro trasportatore adeguato, in apposito carrello a vasca sollevabile, trainato da trattore a lato Sistel e navasa Li n’an pudéva pü pr’al pésu ‘d l’üva vers la fin ‘d setémbar li tireli; i grap négar e bianch ch’a pingulava i fava gola cmè li carameli. A sa vsinava al témp ad vandümar e alora as cominciava a métr’a moi, li boti, la navasa e al tinas, un qual vaslot la soia e anca ‘l soi. Quand as tacava, ad longa a li piantadi, li casi e li manastri a sa stramnava, da impinir in l’arch ad la giurnada parchè ala sira ‘d solit as fulava. Intant ch’a s’impinéva i prim sistei tüti i grap pü bei a ia musgava, e mè pupà sa pratich dal mastér, a tüti li manastri al colm’ach fava. Me nonu invéci cl’éra ormai espert sémpar dadré cun la runchina in man, atach ai cò al catava sü i sc-ianclin e al dséva ogni tant: “catè sü i gran!” Dop séna, digestion in la navasa par me sia e me mama cli fulava; mi e me upà cul soi avanti e indré, al mosc in dal tinàs as travasava. La lüs ad la lücerna a pingulon, tacada sot la piana a un rampin, la pruietava i ombri contra’l mür e l’éra cmè guardar di balarin. Intant me nona in cà la fava al sügul dop vér preparà al mosc par al vincot; da cl’ora li as tacava a esar strach, dli volti as fnéva anca dop mesanot.