Fienagione - Attrezzo trainato da trattore che ranghina il foraggio essiccato per permetterne la raccolta da apposita macchina imballatrice.
Vers la fin
ad la giurnada
Al Sol sa bas al sta par tramuntar
in dal cél ros travsà da négr’uslon
e sarà i oc anch mi a tach a vular,
in cl’aria prufümada ad sénsasion.
Vuland a sora ai mont, in riva al mar,
a sora a la campagna gran pasion,
am véd incor pütlét a divurar
sarési, prima früta ad la stagion.
E incora cun la prima létra in man
che quansi sénsa ch’a man rendés cont,
l’a m’à fat òm sibén ch’a gh’és seds’an:
l’amor al pruspetava altr’urisont.
Al calor dla mè tera a sénti incor
quand cun mè upà e mè mama, bei mumént,
in mes a ‘n tramad dedit al lavor,
li biétuli a sc-iarsir cul Sol o ‘l vént.
A sénti infin la rüsa dal trator,
intant ch’a dava dl’aqua cul geton;
a vdéva a pasar i ori, moi ‘d südor
purtand i tübi in mes al furmanton.
Al sunar dli campani “din don dan”,
ad colp cui pé partera im fa turnar;
chi a camini strach, a gh’ò ‘n po’ d’an,
sperand n’alba radiosa ‘d cuntemplar.