Am piasrés andar luntan
cun al trénu o in reuplan,
e impiniram i oc ad robi
cmè s’a gh’és incor diés an.
A vré ‘ndar sü la tor Eifel
e in la Sena sü an batel,
o travsar tüt al desert
sü la goba d’an camel;
cui Bedüin in caruvana
tüti quanti in fi la indiana,
o in safari sénsa sc-iop
tra i leon ad la savana.
Tra li piramidi sustar
e la Sfi nge interugar,
e tra i Eschimés al polu
una rena cavalcar.
Pasegiar cun i pinguin
o nudar cun i delfi n;
e saltar cun i cangür
o cantar cui canarin.
Girar déntr’al Culuséu,
visitar un qual müséu,
o imparar tanti nusion
tra i stüdént in un licéu.
In al Pacifich navigar,
cun li Avaiani al Sol balar,
e sül Niagara in deltaplan
li gran cascadi survular.
Védr’in Scosia i so castei
che dal mond i è tra i pü bei,
e la siesta pudér far
tra i Mesican cui so capei.
La statua ad la libertà,
e tra i culos dl’antichità,
dal Partenon tüt li culoni
culurar fi n a metà.
E pò in Cina a vrés rivar
sü la müraia caminar,
e pò cumè i imperator
lanterni rosi a vré impisar.
A Mosca andar sü san Basiliu
ad li cüpuli sül ciliu,
e girar intorn’a tüti,
sénsa perdar l’equilibriu.
Anch s’a pudés andar luntan
e vér al mond tra li mè man,
pr’al mè paés ch’am par pü bel,
a vurés gnir indrè dman.
